Regine V. sa MMK

Nagbabalik si Regine Velasquez sa Maalaala Mo Kaya ngayong gabi. Mahigit dalawang taon na nang huling napanood si Regine sa MMK kung saan katambal niya si Piolo Pascual. Sa husay ng kanyang pag-aarte ay nanalo pa siya ng Best Actress mula sa Star Awards.
Ngayon naman ay makakasama niya sina Albert Martinez, Mickey Ferriols, at Christian Vasquez sa isang madramang pagtatagpo sa direksyon ni Jeffrey Jeturian. Umiikot ang kwento sa dalawang dating magkasintahan na sariling pamilya na. Pero dahil may nararamdaman pa sila sa isa't isa ay hindi pa rin sila tuluyang magkahiwalay.
Abangan ang MMK pagkatapos ng Maging Sino Ka Man.