Usapang Puso Siyempre!

Patok na naman ang February 2008 ng paborito ninyong numero unong tsikadorang magasin sa Philippine showbizlandia. Sa kabila kasi ng mga maiinit na tsismis, usapang puso pa rin ito kasi naman ay natapat na idaraos ang Valentine’s Day habang nasa mga bookstores at newsstands na ito. Wish namin na makakuha pa sana kayo ng kopya.
So, anu-ano ba ang mga tsismax to the max?
Well, naka-scoop ang The Buzz Magasin nang isang asset namin (we call these assets as ‘buzzeros’) na naghiwalay nap ala ng landas ang hottie na director na si Lino Cayetano at ang bagong crush ng bayan na mega daughter na si KC Concepcion. Kung ano ang dahilan at ni hindi sila nakapag-celebrate ng Araw ng mga Puso together—detalyado sa loob.
At humahataw nga ba ang career nina Juday, Angel at ang magbabalik-TV na si Claudine. Pero ang hirit ni Kris Aquino (fresh from her successful thriller Patayin sa Sindak si Barbara at kasalukuyang nagpapaikot ng magandang kapalaran sa Wheel of Fortune), tabi muna kayo, mga ineng—ako pa rin ang reyna!
May bagong look din ang The Buzz Magasin ngayon para sariwa ang dating sa mga mata ng readers. At bukod sa siksik na mga balitang showbiz, pampagana rin ang graphic novel na Timawa na simula sa isyung ito ay four pages na.